雖為"鹹濕佬"一名（好友形容）, 麻甩程度可想而知, 不過, 對於護膚, 又真的比一般女仕來得姿整。(化妝就無謂喇! 所以有點頂不順日本的"拔眉男")
步入uncle aunt 年齡, (同年好友被o靚妹形容為阿叔, 笑到死左!) 也開始不避嫌地用anti aging 的東東, Jurlique是好友推介的品牌。初接觸的友人們反會嫌貴, 小的之前極之勇敢地試了其herbal recovery neck serum, herbal recovery eye gel, herbal recovery serum (for face) - 係，乜都係再生系列，因為小的唔想老！仲有Rose water moist水俾你久不久補濕噴面，合共千幾蚊，當時有ｄ肉赤赤，但用下用下用左成半年都未用晒，原來又真係抵！當然最最最緊要既係覺得皮膚好左，想後生，真係唔懶得！
黎緊小的有興趣試下佢抗氧系列，如果有人想有折試下，搵我！（唔好笑，我已經係VIP．．．
）
男人唔好以為去果ｄClarins men或者Loreal men (被吳彥祖”坤”！！）就真係for men, 會好ｄ，其實只係”不法”商人出招賺多ｄ既方法。計過，多數既男仕系列係貴ｄ既，但成份一樣（最多香料唔同！連counter sales妹妹都忍唔住講俾我知！）只不過係睇中男人既死穴，就係怕被人笑”也母”型而不肯用女人的護膚品所以出多條貴ｄ既ｌｉｎｅ。唔想被人搵笨，可以直接用番女仕既護膚品，真係嫌”也母”型，就托女友買或者叫佢分ｄ黎試下，好用下次買大份ｄ益埋女友。冇女友既，去到counter照話係買俾女友既，然後將自己的皮膚問題講一次 （呢招係咪ｏｋ先？）想贏得ｓａｌｅｓ妹妹歡心／熱情招待，可以話買俾妹妹／阿媽（呢招係咪更ｏｋ先？？），咁你會買得更開心，撩女仔更爽。
你地後生細女, (仔都係, 男人唔補好易老!!) 記緊由後生開始做好護膚, 眼同頸唔好懶, 否則一出細紋同雀斑補唔番你就知味道。
